الصومعه.,.,.,,,,أسعد سعيد

يا ريت عندي صومعه براس الجبل

إزرع قمح

قدّامها

واحصد سبل

عيش فيها حرّ

وسنين عمري تمرّ

وكون فيها سرّ

لا الناس تعرفني.. ولا أعرف حدا

بعيش في هالصومعة.. وشو همّني؟

بزند الحنان

إمّي الحبيبة تضّمني

والأم تعطيني

من عرق جبيني

موني تكفّيني

لقمة عشا وتنين.. ترويقه وغدا

برتاح من صاحب عملني مرايتو

ت يحطّني درجي بسلّم غايتو

ومن بعدما يوصل

وعاغايتو يحصل

البغض يتأصّل

بيناتنا.. ونصير أكتر من عِدا