أسعد سابا و قصيدة طقمي العتيق

طقمي العتيق





صرلي ياطقمي مصمّدك طول السنة

تا إلبسك عالعيد

تاشوف حالي فيك عاكل الدني

غيرك ماعندي جديد

مسكّر عليك ملفلفك كلّك سوا

ومسدسد حواليك

من قرنتك ما طيلعك تاخذ هوا

فزعان قلبي عليك

نقرك ياطقمي العث عاورك اليمين

له له ضيعانك

من وين بدي جيب لو ببرم سنين

من جنس خيطانك

وتنقول من لونك حِضي حظّي السعيد

كيف عندي عين؟

جايبك بالدين ياطقمي الوحيد

وبرقّعك بالدين