كفر وتسبيح سمير هلال

أنتي حلم عصفور بحكايه • • أنتي شفافة نور ع مرايه

أنتي قصيده من خيال الريح • • أو سحر من فينيسيا جايه

حّبة كرز عا أول التلويح • • تعرّت بفيّ الشمس تخبايه

شوفي الورد ما فضّل التفتيح • • لو ما ورا التفتيح تعرايه

معجب أنا ومش لازم التوضيح • • أكتر لأنو ما إلي غايه

لا تقابلي الإعجاب بالتجريح • • وتمـرّقي عالحرف محّايه

وواضح معك بس الغموض منيح • • غمضة جفن للعين بردايه

حلو الغزل نتبادلو تلميح • • ونقرا كلام الروح تهجايه

يا داخله قلبي بلا تصريح • • ما بدك بهالقلب توصايه

بحبك لمست الكفر والتسبيح • • وكلما بآيات الشعر صلّيت

بسبّح بآيه وبكفر بآيه