دخلك يا بحّار الشتي

يقبروني عْيونك الخضْر الوساع

هالزيّحو سهل ل بقاع

هالتوّجو بلونن حراج الدني

وودّو حساسين الجرد .. صوب الضياع

و هجّت سطيحات الضياع

بوصّيك يا بدر السما

لما بتمرق بالسما

حيّد على بابا .. ركاع

..

ويقبروني عيونك للي بيزعلو

و بيسأ لو

شو صار ... تَ شاع الخبر ؟

و كل ما نذكرو اتنين

صرنا ننذكر...!

لا تزعلي

في شي عطر ما شاع ؟

و يقبروني عيونك للي

كلّما قلت الوداع

بتجنّ نجمه ملونه

و بتخربط حدود الدني

و بيصرخو فيي : رجاع

و برجع متل راهب

على ديرو لفي

و منركع اتنيناتنا و منختفي

وين اختفى ؟

وين اختفو ؟

دخلك

يا بحّار الشتي .. المارق بألف شْراع

فتّش معي

في تنين كانو هون

صارو .. زورق بلون البكي

جنّح و ضاع















منصور الرحباني