جدّي سامي سعادة

جدّي الكان عنوان السوالف

وحكايا الناس بعدن عم يعيدو

عَ حكين ما حدا بْ هالكون شايف

العوافي تنسقى بْدفقة وريدو

قضى عمرو بِ هالساحات واقف

عَ منبر هيبتو يدندنْ قصيدو

وبِكاس المرجلة يسكب مواقف

تَ داخ العز من نشوة نبيدو

وبعد مَ غْروب عمرو بلون كاشف

بِ موقدة العمر لوّن وقيدو

إيدو الكانت تهز العواطف

كل ما ينتخي العرس بْ عقيدو

كأنها اليوم شجره بالعواصف

وكل ما يلفّ سيجاره بايدو

عَ شروالو فرش تبغو شراشف

كواها بنار نظراتو ونهيدو

وعند مَ يغبّ منها بحلق ناشف

وتنزل عا مرج طقطق حصيدو

يجي تا يحبس بْحَبس الشفايف

سعله تقول كانون ورعيدو

ومتل نهر اللي بكوانين طايف

وبلِش تمّوز يصرف من رصيدو

بمجرى العين عَ تخوم السوالف

بتقشع كم بركي عم تودع

حكايا الناس بعدن عم يعيدو