لا تعتلي الهم ( باللهجة العامية )

لا تعتلي هم الفراق ..
ياما بهالدني عشاق .. تفرقوا ...
وصار العشق .. حكي غفيان ع الاوراق ..
بعد شوي رح تتعودي ..
إنك ما تكوني حدي ..
وتتعودي ع غفوة المخدةِ ...
وتنسي غفوتك ع زندي ..
لا تعتلي هم الغياب ..
نحن من هالدني غيّاب ..
قولي ... إني مت صدفة
وضيعوا قبري بالضباب ...
رح تتعودي .. ترسمي خيال يدي
عم تسوح ع جسمك .. وبعد عرق الحلم توعي ..
وما تلاقي حالك عندي ..
لا تعتلي همي .. ولا تسألي عني ..
ما الوجع خلقان مني ...
روحي .. الله معك .. يمكن العيشة بدوني جنةِ ..
ابعدي .. وقطفي من ماضي العشق وردةِ ..
بس أنا أكيد .. ما رح تقدري تنسيني
وما رح تلاقي حدا يحبك قدي !!
لا تعتلي هم الياسمين والشِعر ..
شو بيهم إن صار الشِعر نثر ..؟!؟؟..
وشو يعني إن صار الياسمين مندون عطر ..؟!!؟..
بعد شوي رح تتعودي .. ع الحكي العادي
وعن الياسمين - زهر أو عطر - رح تبعدي
ورح تتعودي ع نسيان اسمي ..
وإن سمعتي صوتي عن قصد أو صدفة .. رح صدى الصوت تردي
ردي .. ردي .. ردي
تعودت ع غيابك .. تعودت عيش وحدي !!..

الله يا استاذ وسام سلم دياتك و تمك عهل الشعر